Cyn dychwelyd i Gymru, roedd Cooper yn aelod o dîm Caerloyw gollodd deirgwaith yn erbyn y Gleision y tymor diwethaf.

Collodd y clwb o Uwchgynghrair Guinness ddwywaith yn erbyn y rhanbarth yng Nghwpan Heineken cyn cael eu trechu yn rownd derfynol Cwpan EDF Energy.

A dywed Cooper bod angen i'w glwb newydd ddangos cysondeb y tymor nesaf os am sicrhau llwyddiant.

"Mae gan y clwb ddyheadau ac ry' ni eisiau bod yn yr holl gystadleuaeth erbyn diwedd y tymor," meddai.

"Fe wnaethom ni ddangos ar brydiau y tymor diwethaf, yn enwedig yng Nghwpan Ewrop, pa mor dda yw'r Gleision.

"Ond bydd cysondeb yn allweddol y tymor hwn, yn enwedig yng Nghynghrair Magners."

Ychwanegodd Cooper, deithiodd gyda'r Llewod i Seland Newydd yn 2005, ei fod yn edrych ymlaen ar gael chwarae yng nghartref newydd y Gleision yn Leckwith.

"Mae 'n dda cael bod yn ôl ac mae'n gyfnod cyffrous i mi fod yn ymuno gyda'r Gleision," meddai.

"Gobeithio y gallem ni ddechrau'r tymor yn dda a byddwn yn denu'r tyrfaoedd.

"'Dwi'n siŵr y bydd yr awyrgylch yma yn anhygoel."