Ni fu Moriarty yn bresennol wrth i chwaraewyr y Scarlets ddechrau eu paratoadau ar gyfer y tymor newydd.

Symudodd cyn chwaraewr Cymru i Lanelli o Abertawe yn 2003 a bu'n aelod o dîm hyfforddi Phil Davies ac yn hyfforddwr dros dro am gyfnod y llynedd.

Easterby fydd yn hyfforddi'r blaenwyr y tymor nesaf ar ôl cael ei benodi yn chwaraewr-hyfforddwr.

"Mae'n gyfle 'dwi'n falch 'dwi wedi derbyn," meddai Easterby.

"Mae hwn yn rhywbeth 'dwi wedi bod yn ei ystyried ers tro. 'Dwi wedi bod yn edrych ar opsiynau wrth i mi symud ymlaen o fy ngyrfa fel chwaraewr.

"Bydd gweithio fel hyfforddwr tyn her newydd i mi ac un 'dwi am fwynhau."

Fe ymunodd y Gwyddel gyda Llanelli ym 1999 ac wedi chwarae 187 o gemau i'r rhanbarth.

Bydd yn cydweithio'n agos gyda'r prif hyfforddwr Nigel Davies a'i gynorthwywyr John Muggleton a Brad Harrington.