|
Roedd y chwaraewr 33-mlwydd-oed, enillodd 81 cap dros Seland Newydd, wedi gwadu sibrydion y byddai'n gadael y rhanbarth yn ystod yr haf.
Ac mae wedi cadw at ei air trwy ychwanegu dwy flynedd i'r cytundeb arwyddodd pan gyrhaeddodd Y Gweilch ym mis Ebrill 2006.
"Mae'r tîm yn fy nhrin yn dda, 'dwi'n cael fy rheoli'n dda. Mae'r Gweilch yn arbennig," meddai Marshall.
Roedd y ffaith bod y mewnwr, Mike Phillips, yn ymuno â'r Gweilch o'r Gleision wedi ychwanegu at y dyfalu ynghylch dyfodol Marshall.
Dywedodd cyfarwyddwr rygbi'r Gweilch, Kevin Hopkins: "Ry' ni wrth ein boddau bod chwaraewr o safon Justin wedi dangos ymroddiad i'r rhanbarth trwy ymestyn ei gytundeb.
"Mae hyn yn adlewyrchu'n dda ar y rhanbarth a'i gobeithion ar gyfer y dyfodol."
 |
