|
Yr oedd Saunders ar ddyletswydd rhyngwladol fel aelod o dîm hyfforddi Cymru ar gyfer y gêm yn erbyn yr Alban yng Nghaerdydd. A bu rhai o gefnogwyr Wrecsam yn galw am ben Saunders wrth i'r Dreigiau ddisgyn i'r 15fed safle yn Uwchgynghrair Blue Square. Dirprwy Saunders, Brian Carey, oedd wrth y llyw ar gyfer ymweliad Hayes & Yeading, wrth i Wrecsam golli am y tro cyntaf mewn saith gêm. "Y chwaraewyr sydd wedi gadael y rheolwr i lawr," meddai Westwood. "Pe byddai wedi bod yma be alle fe wedi ei wneud? Tydi o ddim yn gallu bod ar y maes yn cicio'r bêl. "Fe dyma'n dewis y tîm, mae wedi bod yn ein paratoi yn ystod yr wythnos ac ni alle fe wedi gwneud dim mwy. "Rhaid i ni gymryd cyfrifoldeb fel unigolion a peidio rhoi'r bai ar rywun oherwydd nad oeddynt yn bresennol."
 |
