Sgoriodd Marc Williams yn yr hanner cyntaf i roi'r Dreigiau ar y blaen, ond fe darodd yr ymwelwyr o'r Bencampwriaeth yn ôl yn yr ail hanner i sicrhau gêm gyfartal diolch i beniad Jermaine Grandison.

"Dwi'n gobeithio bod y gêm wedi rhoi hyder i'r chwaraewyr oherwydd roedd hi'n berfformiad da iawn," dywedodd Saunders.

"Roedd yr hanner cyntaf yn wych. Fe ildiom ni gôl o gic gornel yn yr ail hanner, ac mae hynny'n digwydd weithiau pan da chi'n rhoi 10 chwaraewr newydd ymlaen."

Rhoddodd Williams y Dreigiau ar y blaen wedi 25 munud yn dilyn camddealltwriaeth erchyll yn amddiffyn yr ymwelwyr.

Aeth y tîm cartref ymlaen i reoli gweddill yr hanner, ond daeth Coventry yn ôl i mewn i'r gêm yn yr ail hanner wrth i Saunders roi cyfle i nifer o chwaraewyr ifanc a rai eraill sydd ar brawf.

Jermaine Grandison sgoriodd y gôl i sicrhau gêm gyfartal wrth iddo benio yn nerthol o gic gornel Danny Fox.

Bydd Wrecsam yn chwarae oddi cartref yn erbyn Prestatyn o Uwch Gynghrair Cymru yn eu gêm baratoadol nesaf nos Lun.

Wrecsam (Hanner cyntaf): Half Chris Maxwell, Silvio Spann, Sam Williamson, Darran Kempson, Mike Williams, Adrian Cieslewiecz, Mark Jones, Andy Fleming, Neil Taylor, Marc Williams, Gareth Taylor.

(Ail hanner): ChrisMaxwell, Joaquin Medinilla-Cabotti, Chris Smith, Kai Edwards, Jonas Tor Naes (Hedi Taboubi 67), Wes Baynes, Tom Kearney, Nathan Fairhurst, Jamie McCluskey (Mani 75), Steve Abbott, Simon Brown.

Coventry City: Dimi Konstantopolous (Kieren Westwood 46); Curtis Wynter (Jordan Clarke 26), Ben Turner (Elliott Ward 46), James McPake (Jermaine Grandison 46), Marcus Hall (Stephen Wright 46); Ashey Cain (David Bell 46), Michael Doyle (Aron Gunnarsson 46), Issac Osbourne (Adam Walker 46), Danny Fox (Ashley Cain 65); Clinton Morrison (Freddie Eastwood 62), Freddie Eastwood (Leon Best 35).