Y syniad yw i Bouzanis, sy'n 18 mlwydd oed, barhau i ymarfer gyda Lerpwl ond yn chwarae i'r Dreigiau yn Uwchghynghrair Blue Square.

Mae Wrecsam yn gobeithio dod i gytundeb gyda'r chwaraewr yr wythnos nesaf.

Yn ôl y Dreigiau, mae rheolwr Lerpwl Rafael Benitez yn ystyried Bouzanis fel y golwr gorau o'i oed yn y byd.

Cafodd Bouzanis ei eni yn Awstralia, ac mae o hefyd yn gymwys i chwarae dros Wlad Groeg.

Chwaraeodd Wrecsam eu gêm baratoadol gyntaf o'r haf ddydd Sadwrn yn erbyn Coventry ar y Cae Ras.

Rhoddodd Marc Williams y Dreigiau ar ôl 25 munud wedi camgymeriad gan golwr Coventry, Dimi Konstantopolous, ond tarodd yr ymwelwyr yn ôl i sicrhau gêm gyfartal diolch i beniad Jermaine Grandison wedi'r toriad.