|
Manteisiodd Leo Fortune-West ar amddiffyn llac Wrecsam i roi'r ymwelwyr ar y blaen wedi saith munud ac ychwanegodd Asamoah ail gôl hanner awr yn ddiweddarach.
Aeth pethau o ddrwg i waeth wedi 39 munud wrth i Steve Evans gael ei hel o'r maes am y trydydd tro'r tymor yma yn dilyn tacl fler ar David Edwards.
Rhwydodd Leo Fortune-West ei ail gôl bum munud wedi'r egwyl ond cafwyd llygedyn o obaith i'r Dreigiau bedwar munud yn ddiweddarach wedi i Danny Williams daro ergyd odidog o 25 llath i gornel uchaf y rhwyd.
Brwydrodd 10-dyn Wrecsam yn ddewr wedi'r gôl gyda Mark Jones a Neil Roberts yn creu problemau i amddiffynwyr Amwythig, ond roedd y dasg yn ormod i'r Dreigiau.
Wrecsam: Ruddy, Danny Williams, Steve Evans, Gareth Evans,
Roche, Whitley, Mark Jones, Garrett, Barron, Roberts, Llewellyn.
Eilyddion: Michael Jones, McEvilly, Carvill, Mike Williams, Done.
Amwythig: MacKenzie, Hope, Burton, Langmead, Herd, Edwards, Drummond, Davies, Tierney, Asamoah, Fortune-West.
Eilyddion: Shearer, Hall, Ashton, Canoville, Mike Jones.
Dyfarnwr: M Dean (Wirral)
 |
