Roeddent yn diolch i Denis Smith a Kevin Russell am eu gwaith. Serch hynny, dywedodd y cyfarwyddwyr nad oedd ganddyn nhw "ddim dewis" ond newid pethau, er mwyn caniatáu amser i'r clwb ennill rhagor o gemau.

Ychwanegodd y cyfarwyddwyr eu bod yn "uchelgeisiol dros ben" ac yn gobeithio y bydd y trefniant newydd yn eu galluogi i lwyddo yng Nghynghrair Dau.

Brian Carey fydd yn cymryd yr awenau ar gyfer yr ymweliad â Swindon Town ddydd Sadwrn.

> Pwy nesaf i'r Dreigiau?

Ymunodd Smith sydd yn gyn rheolwr â Rhydychen, West Brom, Bristol City, Sunderland a Chaerefrog, â Wrecsam yn 2001 wedi i Brian Flynn ymddiswyddo.

Llwyddodd i ennill dyrchafiad â'r Dreigiau yn 2003 a chipio Tlws yr LDV yn Stadiwm y Mileniwm yn 2005.

Ond disgynnodd Wrecsam i'r adran isaf o dan ofal Smith yn 2002 ac yn 2005 wedi i'r clwb golli 10 pwynt am fynd i ddwylo'r gweinyddwyr.