"Os oedd am fynd i unrhywle ar fenthyg roedd am ddod atom ni," meddai rheolwr Wrecsam, Denis Smith, wrth Adran Chwaraeon BBC Cymru.

Mae Wrecsam wedi cael caniatâd gan y Gynghrair Bêl-droed ar gyfer "benthyciad mewn argyfwng"

Dim ond 20 chwaraewr all y clwb gyflogi ar unrhyw adeg gan eu bod yn nwylo'r gweinyddwyr.

Ond mae rhestr anafiadau hir yn golygu mai 13 chwaraewr holliach yn unig oedd gyda'r clwb ar gyfer sesiwn ymarfer ddydd Iau.

Ychwanegodd Smith: "Rwy'n hapus iawn i'w groesawu yn ôl. Mae yma am fis ar y funud ond rwy'n gobeithio fydd yma'n hirach."

"Rwy'n obeithiol gal rwydo un neu ddau gôl yn y gemau nesaf a fydd hynny'n sicrhau canlyniadau ffafriol.

"Yna mae gennym gêm gartref a rwy'n gobeithio bydd hyn yn ychwanegu at y dorf - byddai hynny'n dda iawn i ni.

"Rydym eisiau cael allan o'r adran yma a rwy'n gobeithio bydd Juan yn helpu ni wneud hynny."

Nid yw Ugarte wedi sgorio dros Crewe eleni ond dywedodd eu rheolwr, Dario Gradi nad yw wedi anghofio amdano.

"Rwyf wedi dweud bod yn iawn iddo fynd allan am fis neu ddau. Ni fyddwn yn disgwyl iddo ddod yn ôl oni bai fy mod am ei roi yn y tîm cyntaf, meddai wrth safle we Crewe.