Yn fuan wedyn yr oedd Lee Hunt wedi rhwydo ddwywaith i ymestyn eu mantais cyn i Geraint Lewis sgorio gôl gysur o'r smotyn i'r ymwelwyr.

Mae Port Talbot yn bumed wedi buddugoliaeth o 3-0 oddi cartref yn erbyn Gap Cei Conna.

Yr oedd yr ymwelwyr ar y blaen wedi 32 eiliad o'r gêm yn unig diolch i gôl Martin Rose gyda Drew Fahiya a Liam McCreesh yn sicrhau'r fuddugoliaeth yn yr ail hanner.

Mae Porthmadog wedi codi o waelod y tabl diolch i fuddugoliaeth gartref yn erbyn Prestatyn a'r ffaith i Gaersws golli ar y Belle Vue.

Gareth Parry ac Aden Shannon sgoriodd wrth i dîm Tomi Morgan sicrhau eu buddugoliaeth gyntaf o'r tymor yn y gynghrair.

Gohiriwyd y gemau rhwng Derwyddon Cefn a Hwlffordd a'r Drenewydd yn erbyn Caerfyrddin oherwydd y tywydd.

Yn ogystal fe gafodd gemau nos Wener ym Mangor, Castell Nedd a'r Bala eu gohirio.