|
Roedd hi'n noson gofiadwy i Andy Legg yn ei gem gyntaf wrth y llyw ond un y bydd rheolwr newydd Motherwell, Jim Gannon eisiau anghofio. Motherwell, oedd wedi gorfod symud y gêm i Stadiwm Excelsior yn Airdrie oherwydd gwaith chynnal a chadw i faes Fir Park, gafodd y gorau o'r meddiant. Ond fe aeth Llanelli ar y blaen yn annisgwyl wedi 28 munud yn dilyn un o'u hymosodiadu prin. Sgoriodd Stuart Jones gyda pheniad dyma'n curo'r golwr Michael Fraser yn dilyn cic gornel gan Legg. Er ymdrechion gorau Motherwell i daro'n ôl ni lwyddodd y tîm o Uwchgynghrair yr Alban i fanteisio ar eu cyfleoedd. Prin iawn fu ymosodiadau gan y tîm o Uwchgynghrair Cymru gyda Rhys Griffiths yn aml yn canfod ei hun heb gymorth wrth arwain y llinell flaen. Yn ogystal â sicrhau buddugoliaeth enwog fe fydd Llanelli yn dychwelyd i Gymru ar gyfer yr ail gymal ym Mharc y Scarlets ymhen wythnos gyda'r fantais o gôl oddi cartref hollbwysig.
Motherwell: Fraser, Saunders, Craigan, Reynolds, Hammell, O'Brien, Lasley, Forbes, McGarry, Sutton, Murphy.
Eilyddion:Kosiorowski, Darren Smith, Fitzpatrick, Hutchinson, Page, McHugh, Slane. Llanelli: Ashley Morris, Legg, Howard, Stuart Jones, Jarman, Phillips, Mumford, Corbisiero, Venables, Griffiths, Craig Jones.
Eilyddion: Craig Morris, Jenkins, Thomas, Warlow, Moses, John, Follows. Torf: 4,307 Dyfarnwr: Tero Nieminen (Y Ffindir)
 |
