Sgoriodd David Edwards, Simon Church ac Aaron Ramsey goliau yn yr hanner cyntaf i sicrhau buddugoliaeth gyfforddus i'r tîm cartref.

Yr oedd Toshack yn falch o berfformiad Cymru ond yn teimlo nad oedd y sgôr yn adlewyrchiad teg o'r gêm.

"Mae gen i gydymdeilad hefo George," meddai Toshack wedi'r gêm gyntaf i'w chynnal yng nghartref newydd Caerdydd.

"Fe wnaetho nhw yn dda yn gynnar yn y gêm gyda Wayne Hennessey yn gorfod gwneud arbediad da.

"A ninnau'n dîm ifanc fe all pethau wedi bod yn wahanol pe bydde honno wedi mynd fewn.

"Fe wnaeth sgorio'r gôl gyntaf ein helpu.

"'Dwi'n adnabod George ers peth amser a doedd e ddim yn haeddu'r hyn ddigwyddodd.

"Roedde bi'n haeddu'r fuddugoliaeth, ond doedd hi ddim mor hawdd ag oedd hi'n
ymddangos.

"Doedd hi ddim yn gyfforddus i ni. Roeddwn yn teimlo nad oedd 3-0 ar yr egwyl yn adlewyrchiad teg.

"Ond fe wnaetho ni sgorio tair gôl dda ac roedd hynny yn gwneud hi'n anodd i'r Albanwr ddod nôl, er nad oedd y sgôr yn adlewyrchiad teg o'r gêm.

Mae Toshack yn ffyddiog y bydd ei dîm ifanc yn parhau i ddatblygu cyn y bydd ymgyrch Ewro 2012 yn dechrau fis Medi y flwyddyn nesaf.

"Mae gennym bedair gêm gyfeillgar cyn y bydd y gemau cystadleuol nesaf yn dechrau fis Medi nesaf," meddai cyn hyfforddwr Real Madrid.

"Nid oes gennym gêm tan fis Chwefror ac fe fyddwn yn gwybod grwpiau rowndiau rhagbrofol Ewro 2012 erbyn hynny.

"Y gobaith yw ymhen 10 mis fe fydd y bois hyn wedi datblygu ymhellach.

"Fe allent gael calondid o'r fuddugoliaeth hon, y perfformiad oedd yn peth pwysig."

Ychwanegodd Toshack bod Ramsey wedi bod yn dioddef gydag anaf i'w gefn yn ystod yr wythnos a dyna pam iddo ei eilyddio wedi bron awr o'r gêm.