Mae Cymdeithas Bêl-droed Cymru wedi cyhoeddi bydd y tîm cenedlaethol yn herio Gogledd Iwerddon mewn gêm gyfeillgar yn Belfast nos Fawrth 6 Chwefror, 2007.
Bydd gwyr John Toshack yn teithio i Barc Windsor fel rhan o'r paratoadau ar gyfer eu gêm ragbrofol Ewro 2008 yn erbyn Gweriniaeth Iwerddon ar 24 Mawrth.
Cyfarfu'r ddwy wlad mewn gemau tanllyd yn ystod gemau rhagbrofol Cwpan y Byd 2006, gyda Chymru'n ennill 3-2 yn Belfast wedi gêm gyfartal 2-2 yng Nghaerdydd.
