Roedd corff llywodraethol y byd pêl-droed wedi gwrthod cais gwreiddiol y Sbaenwyr i ymestyn eu tymor hyd at 20 Mai - yr un diwrnod â gêm Cymru yn Bilbao. Ond wedi clybiau La Liga gwyno, mae Fifa wedi rhoi sêl bendith ar drefn newydd o gemau sydd yn gweld Athletic Bilbao, yn croesawu Barcelona i Estradio San Mames ar 20 Mai.
O'r herwydd mae gêm Cymru â Gwlad y Basg, sydd hefyd i'w chwarae yn Estadio San Mames, wedi ei ohirio am 24 awr hyd at nos Sul 21 Mai. Mae dros 350 o gefnogwyr Cymru eisoes wedi gwneud trefniadau a dywedodd yr FAW eu bod wedi cael ar ddeall bod dros hanner y cefnogwyr i fod i deithio adref ddydd Sul.
Bydd hyn yn golygu i'r cefnogwyr newid eu trefniadau neu colli'r gêm, sydd wedi gweld pob un o'r 40,000 tocyn yn y stadiwm wedi ei werthu.
 |
