|
Cafodd argymhelliad cadeirydd Bolton Wanderers Phil Gartside ei ddisgrifio fel un nad oedd yn "dymunol" nac yn "ymarfer" ar ôl i mwyafrif y clybiau bleidleisio yn ei erbyn. Roedd rheolwr Aston Villa Martin O'Neill a rheolwr Tottenham Hotspur Harry Redknapp wedi croesawu'r syniad i estyn gwahoddiad i ddau brif glwb Yr Alban. Dymuniad arall Gartside yw gweld y gynghrair yn cael ei rannu'n ddwy, gyda 18 neu 20 o glybiau yn cystadlu yn y ddwy adran. Penderfynwyd i drafod y syniad yna ymhellach, ac mae bwrdd rheoli yr Uwch Gynghrair yn gobeithio llunio argymhellion erbyn mis Rhagfyr 2010. Y prif reswm tu ôl i gynllun Gartside yw ei bryder bod gormod o arian yn llifo i mewn i goffrau'r pedwar brif clwb yn y gynghrair. Y llynedd, enillodd y pencampwr Manchester United £52.3m am hawliau teledu, gyda'r clwb ar y gwalod, West Bromwich Albion, yn derbyn £31.6m. Mae cadeirydd Abertawe Huw Jenkins wedi lleisio ei wrthwynebiad i'r syniad o greu dwy adran newydd, gan ddadlau na fyddai'n rhoi chwarae teg i bawb. O dan y cynllun, byddai rhai o glybiau'r Bencampwriaeth yn rhan o'r ail adran ac mi fyddai posib esgyn o'r ail adran a disgyn o'r brif adran. Ond does dim sicrwydd y bydd modd i glybiau esgyn o'r Bencampwriaeth, a dyna sy'n poeni Jenkins.
 |
