Ar ôl cytuno ar delerau personol, cafodd y chwaraewr 19 oed brawf meddygol gyda Forest ddydd Llun, lle dreuliodd cyfnod ar fenthyg y tymor diwethaf.

"Pan ddywedodd rheolwr Forest ar ddiwedd y tymor diwethaf ei fod yn gobeithio y baswn yn dychwelyd i'r clwb, mi ddywedais wrtho fy mod yn awyddus iawn i wneud hynny," dywedodd Gunter.

"Doedd gen i ddim diddordeb mewn symud i unrhyw glwb arall oedd, yn ôl y son, wedi dangos diddordeb."

Ymunodd Gunter gyda Spurs o Gaerdydd am £2m ym mis Ionawr 2008 ond dim ond pum gêm gynghrair y chwaraeodd i'r clwb o ogledd Llundain.

Yr oedd rheolwr Spurs, Harry Redknapp, wedi datgan yn flaenorol nad oedd hi'n fwriad ganddo werthu'r amddiffynnwr.