Deallir bod y clwb o Ashton Gate wedi talu rhyw £500,000 am y chwaraewr 20 mlwydd oed, gwnaeth 69 ymdangosiad i'r Rams dros pedair blynedd.

"Mae hwn yn gyfnod newydd i mi a dwi'n edrych ymlaen at gael chwarae pêl-droed yn rheolaidd unwaith eto," dywedodd Nyatanga.

Nid yw Nyatanga wedi llwyddo i sicrhau lle rheolaidd yn nhîm cyntaf Derby ac mae wedi treulio cyfnodau ar fenthyg gyda chlybiau eraill.

Treuliodd gyfnodau gyda Sunderland a Barnsley ac mae rheolwr Derby, Nigel Clough, wedi dweud nad yw'n rhan o'i gynlluniau yn Pride Park.

Mae Nyatanga wedi ennill 27 o gapiau dros Gymru ers iddo gynrychioli ei wlad am y tro cyntaf yn erbyn Paraguay yn 2006.