Bu Coyne, sy'n 35 mlwydd oed, yn chwarae i Tranmere yn Adran Un am y ddau dymor diwethaf.

"Mae Danny yn golwr gwych," dywedodd rheolwr Middlesbrough, Gareth Southgate.

"Mae o wedi chwarae ar y lefel uchaf gyda Chymru ac yn chwaraewr profiadol iawn."

Cychwynnodd Coyne ei yrfa gyda Tranmere yn 1992, cyn symud i Grimsby yn 1999 gan chwarae dros 200 dros bedair blynedd.

Ymunodd gyda Chaerlŷr yn Uwch Gynghrair Lloegr yn 2003, ond pum gêm yn unig y chwaraeodd cyn cael ei werthu i Burnley flwyddyn yn ddiweddarach am £25,000.

Wedi tri thymor gyda'r Clarets, dychwelodd i Tranmere yn 2007.