Arwyddodd y Cymro 18 mlwydd oed i'r Gunners llai na blwyddyn yn ôl wrth symud o Gaerdydd am £5m.

Dywedodd rheolwr y Gunners, Arsene Wegner, bod y Cymro 18 mlwydd oed wedi gwneud cyn argraff yn ystod ei dymor gyntaf gyda'r clwb.

"'Da ni wrth ei bodd bod Aaron wedi arwyddo cytundeb hirdymor newydd," meddai Wegner.

"Fe wnaeth o gyfrannu'n dda y tymor diwethaf gan ddangos ei fod o'n chwaraewr deallus o safon uchel. Ac yntau dal dim ond yn 18 mlwydd oed, 'da ni'n edrych ymlaen at ei weld yn datblygu gyda ni dros y blynyddoedd nesaf."

Chwaraeodd Ramsey, sy'n enedigol o Gaerdydd, naw gwaith yn yr Uwch Gynghrair a chwe gwaith yng Nghynghrair y Pencampwyr y tymor diwethaf.

Sgoriodd ei gôl gyntaf yn y fuddugoliaeth oddi cartref o 5-2 yn erbyn Fenerbahce ym mis Hydref.