|
Gwelodd tri o chwaraewyr yr Elyrch gerdyn coch mewn gêm danllyd rhwng y clybiau yng Nghwpan Carling yn Stadiwm Liberty fis Awst. "Yr effaith yw y gall y tîm arall ein pryfocio," meddai Sousa wrth edrych ymlaen at y gêm yn y Bencampwriaeth. "Mae nhw hefyd yn chwarae gartref ond 'dwi eisiau i fy chwaraewyr ganolbwyntio ar y pêl-droed. Cafodd y capten Garry Monk, Gorka Pintado ac Angel Rangel eu danfon o'r maes wrth i'r Elyrch golli o 2-1 wedi amser ychwanegol yn erbyn Scunthorpe. Mae Sousa yn gobeithio am ddyfarnwr "cryf" ar gyfer y gêm ar Barc Glanford brynhawn Sadwrn. "Mae'r cefnogwyr yn agos i'r chwaraewyr ac maent yn rhoi'r dyfarnwr dan bwysau drwy'r adeg er mwyn ceisio cael ciciau rhydd a chwarae gosod," meddai Sousa. "Mae hynny'n gwneud hi'n anodd i dimau. Rydan ni angen dyfarnwr fydd ddim yn cael ei ddylanwadu."
 |
