Bydd y chwaraewr canol cae yn cael llawdriniaeth ar yr anaf ddydd Llun, ac yn wynebu cyfnod o ddau fis o orffwys.

Teimlodd Pratley boen wrth ymarfer gyda gweddill y garfan, ac mae meddygon wedi argymell rhagor o driniaeth er mwyn peidio gwathygu'r anaf.

Fe anafodd yr ysgwydd yn wreiddiol ym mis Ionawr, a threuliodd gyfnod hir allan o'r tîm ar ôl cael llawdriniaeth.

Roedd disgwyl iddo golli gweddill y tymor, ond fe ddychwelodd i chwarae yng nghynt na'r disgwyl wedi chwe wythnos yn unig ar y cyrion.

Mae'r anaf i Pratley yn ergyd bellach i baratoadau'r rheolwr newydd, Paulo Sousa, ar gyfer y tymor newydd.

Mae dau o'r chwaraewr mwyaf dylanwadol y tymor diwethaf, Jason Scotland a Jordi Gomez, wedi gadael ac mae amheuaeth dros ddyfodol Ferrie Bodde.

Mae Sousa hefyd yn ceisio penodi tîm hyfforddi newydd ar ôl i'r bedwar aelod ddilyn Roberto Martinez i Wigan.