Cytunodd y clybiau ar ffi yr wythnos ddiwethaf ond mae'r cytundeb dwy flynedd yn ddibynnol ar Wigan yn sicrhau caniatâd rhyngwladol yn ogystal â'r chwaraewyr yn derbyn fisa.

Chwaraewr Trinidad a Tobago fyddai'r trydydd chwaraewr i Roberto Martinez ei arwyddo ers ymuno gyda'r clwb o Abertawe fis diwethaf.

"Mae Jason yn sgoriwr naturiol," meddai Martinez. "Mae pob rheolwr eisiau chwaraewr sydd â'r gallu i wneud pethau yn y cwrt.

Mae Scotland yn gadael Abertawe ar ôl bod yn brif sgoriwr y clwb am y ddwy flynedd ddiwethaf.

"'Dwi'n gyffrous iawn am gael y cyfle yn yr Uwchgynghrair ac eisiau profi i'r rheolwr ei fod wedi gwneud y peth cywir yn fy nenu yma," meddai Scotland.

"Fe wnes i fwynhau fy nghyfnod gydag Abertawe ac yn teimlo y gwnes i roi gwasanaeth da i'r clwb.

"Hoffwn ddiolch yn fawr i'r holl gefnogwyr yno, ond mae pennod newydd yn fy ngyrfa ar fin dechrau."