Ar ddechrau'r wythnos dywedodd Sousa bod Bodde wedi dangos amarch drwy beidio dychwelyd ar gyfer sesiwn ymarfer cyntaf y clwb.

"Mae Ferrie yn chwaraewr da ond mae angen iddo fod yn fwy proffesiynol," meddai Sousa.

Yr wythnos ddiwethaf fe gafodd cynnig gwerth tua £2.5m gan Bolton Wanderers am Bodde ei wrthod gan Abertawe.

Mae Bodde wedi derbyn sêl bendith y clwb i ddychwelyd i'r Iseldiroedd wrth iddo barhau i dderbyn triniaeth i'w ben-glin.

Mae disgwyl y bydd Bodde yn dychwelyd i Abertawe ar 12 Gorffennaf pan fydd yn ôl yn ymarfer gyda gweddill y garfan.

Fe gollodd yr Iseldirwr y mwyafrif o'r tymor diwethaf ar ôl dioddef anaf difrifol i'w ben-glin mewn gêm yn erbyn Birmingham fis Tachwedd y llynedd.