|
Bydd y stadiwm, sydd ag 20,000-sedd, sydd, hyd yn hyn, wedi ei hadnabod fel Y Stadiwm Newydd, yn cael ei galw yn Stadiwm Liberty. Mae cwmni Stadco, sydd yn rhedeg y stadiwm, wedi cytuno ar gytundeb pum mlynedd â Liberty Properties PLC. Credir fod cytundeb Liberty werth oddeutu £500,000. Mae cyn ganolwr Cymru a'r Llewod, Scott Gibbs, oedd yn gapten ar Y Gweilch yn ystod tymor 2001-02 yn reolwr â Liberty Properties, ac meddai: "Rydym yn falch iawn gallu buddsoddi yn y stadiwm newydd yn Abertawe, "Rydym yn gwmni cenedlaethol ond mae ein gwreiddiau yn Abertawe ac mae'n fraint gallu cefnogi'r fath fenter," meddai Gibbs, benderfynodd ddod â'i yrfa rygbi i ben ym mis Ionawr 2004. Bydd y tîm rygbi yn cael cyfle i chwarae o dan yr enw newydd ddydd Sul wrth i'r Gweilch groesawu Stade Francais yn rownd gyntaf Cwpan Heineken. Mae Abertawe yn teithio i Torquay nos Fawrth yn Nhlws yr LDV ac yn teithio unwaith eto yn y gynghrair ddydd Sadwrn. Ond bydd y pêl-droedwyr yn ôl yn Stadiwm Liberty ar 29 Hydref wrth iddynt groesawu Chesterfield.
 |
