Stephen Dodd, enillodd y gystadleuaeth gyda Bradley Dredge yn 2005, a Jamie Donaldson oedd cynrychiolwyr Cymru

Canada orffennodd y gystadleuaeth ar y brig, 19 ergyd yn well na'r safon gyda'r Alban hefyd yn sicrhau eu lle yn Tsiena.

Ni fu'n rhaid i Loegr ac Iwerddon ynghyd â 16 o wledydd eraill gymryd rhan yn y gystadleuaeth ragbrofol.

Roedd y gwledydd hynny eisoes yn sicr o'i lle yn Tsiena ar sail safleoedd eu prif chwaraewr ar restr detholion y byd.

Ian Poulter a Ross Fisher fydd yn cynrychioli Lloegr gyda Rory McIlroy a Graeme McDowell yn chwarae dros Iwerddon.

Fe fydd cystadleuaeth Cwpan y Byd yn cael ei chynnal ar gwrs Mission Hills rhwng 26 a 29 o Dachwedd.

Roedd Colin Montgomerie a Marc Warren yn fuddugol i'r Alban ar y cwrs yn Tsiena ddwy flynedd yn ôl.