|
Gorffennodd y Cymro yn bedwerydd ym Mhencampwriaeth Agored Casa Serena yn y Weriniaeth Siec ddydd Sul wedi rownd olaf o 68 am gyfanswm o naw ergyd yn well na'r safon. Roedd yr enillydd, Peter Mitchell o Loegr, ar gyfanswm o 13 ergyd yn well na'r safon. Siec am €33,000 oedd gwobr Woosnam, sy'n golygu ei fod yn dychwelyd i'r brig ar restr yr enillion gyda chyfanswm o €161,619. Sam Torrence sy'n ail ar €139,490 gyda dwy gystadleuaeth i fynd tan ddiwedd y tymor. Yn y cyfamser, gwelwyd perfformiad disglair arall gan Becky Brewerton ar Gylchdaith y Merched. Gorffennodd Brewerton yn drydydd ym Mhencampwriaeth Agored Ffrainc.
 |
