Roedd y ddeuawd yn fuddugol ym Mhortiwgal y llynedd, mewn cystadleuaeth gafodd ei amharu gan y glaw.

Ond maent yn cydnabod nad yw Cymru ymysg y ffefrynnau ar gyfer y gystadleuaeth eleni, fydd yn dechrau yn Barbados ddydd Iau.

"Nid yw ein perfformiadau wedi bod cystal cyn ein hamddiffyniad," meddai Dredge.

"Ond mae'n gystadleuaeth sy'n gallu eich tanio a gwneud ichi godi o ddim."

Roedd Dredge a Dodd ar y blaen o ddwy ergyd cyn y daeth y glaw i'r amharu ar y gystadleuaeth, ac ni fu'n bosib cwblhau'r rownd olaf.

Luke Donald a David Howell yw cynrychiolwyr Lloegr gyda Padraig Harrington a Paul McGinley - oedd yn fuddugol ym 1997 - yn cynrychioli Iwerddon.

Mae nifer o'r enwau mawr - gan gynnwys Tiger Woods ac Ernie Els - wedi gwrthod y cyfle i gymryd rhan.

Stewart Cink a JJ Henry yw cynrychiolwyr yr Unol Daleithiau gyda Rory Sabbatini a Richard Sterne yn chwarae dros De Affrica.