*** Enwebiadau yn cau am hanner nos, dydd Gwener, 30 Hydref 2009 ***
Fel rhan o raglen Personoliaeth Chwaraeon Cymreig y Flwyddyn 2009, mae BBC Cymru unwaith yn rhagor yn gobeithio anrhydeddu unigolyn sydd wedi gwneud cyfraniad arbennig i fyd y campau.
Bydd enillydd Arwr Tawel BBC Cymru yn un o 15 enillydd cenedlaethol a rhanbarthol fydd yn cael ei ystyried ar gyfer y brif wobr drwy Brydain.
Rydym yn chwilio am berson sydd wedi gweithio'n galed i hyrwyddo chwaraeon yn eu cymunedau yng Nghymru a hynny heb unrhyw dal.
Bydd y person yn cynnig eu hamser a'u talentau i helpu eraill i gymryd rhan mewn chwaraeon. Fe all hyn fod trwy helpu unigolyn, tîm neu dimau.
- Fe all y gamp fod ar unrhyw lefel
- Ni ddylai'r unigolion fod yn cael eu talu am eu hymdrech
- Mae'n rhaid i'r unigolyn fod yn 16 mlwydd oed neu'n hŷn
Panel o feirniaid, fydd yn cynnwys aelodau o staff adran Chwaraeon BBC Cymru ac arbenigwyr chwaraeon lleol eraill, fydd yn dewis yr enillydd ar gyfer gwobr Arwr Tawel BBC Cymru 2009.
Bydd 15 o enillydd o Ogledd Iwerddon, Yr Alban, Cymru a rhanbarthau Lloegr yn cael eu dewis.
A bydd y 15 hynny yn cael gwahoddiad i raglen Personoliaeth Chwaraeon y Flwyddyn yn Sheffield, fydd yn cael ei ddarlledu ar 13 Rhagfyr ar BBC One, lle bydd un yn cael ei ddewis fel yr enillydd cyffredinol.
Enillwyr blaenorol
Margaret Simons enillodd y brif wobr yn 2007. Mae hi wedi bod yn gyfrifol am Glwb Pêl-droed Bardwell yn Swydd Rhydychen ers ei sefydlu yn 1964.
Ben Geyser, sy'n rhedeg Clwb Bocsio Dorchester oedd yn fuddugol yn 2008.
Yr enillydd yng Nghymru yn 2008 oedd Cliff Williams, cadeirydd Clwb Rygbi Pont-Y-Clun.
Cliff, sydd yn gyfrifol am baratoi'r meysydd a glanhau'r ystafell newydd, oedd sylfaenydd Cynghrair Pêl-droed Bro Morgannwg yn y Saithdegau.
Sut i enwebu
Er mwyn enwebu eich Arwr Tawel, llenwch y ffurflen gais canlynol:
Ffurflen enwebu Arwr Tawel y byd chwaraeon
Anfonwch y ffurflen, cyn y dyddiad cau o Ddydd Gwener, 30 Hydref 2009 at:
Lawrence Hourahane,
Arwr Tawel y Byd Chwaraeon y BBC 2009,
Adran Chwaraeon BBC Cymru,
Y Ganolfan Ddarlledu,
Ffordd Llantrisant,
Llandaf,
Caerdydd,
CF5 2YQ.
Neu e-bostiwch y ffurflen at lawrence.hourahane@bbc.co.uk
Neu cwblhewch y ffurflen fan hyn neu ar-lein isod a chliciwch ar "Anfon" ar y gwaelod.
Er mwyn gwneud cais, sicrhewch fod pob rhan o'r ffurflen wedi eu llenwi. Ni fydd posib derbyn enwebiadau sydd ddim yn cynnwys manylion yr enwebydd.
Mae'n ofynnol bod enwebion wedi cael eu hysbysu ac wedi cytuno i gael eu cyflwyno.
Mae penderfyniad y beirniaid yn derfynol a ni chaniateir unrhyw ohebiaeth mewn perthynas â'u penderfyniad.
Mae'r gystadleuaeth yn cydymffurfio gyda chôd ymarweddiad y BBC ynglŷn â Chystadlaethau a Phleidleisio sydd wedi ei gyhoeddi ar wefan y BBC.
Termau ac amodau
