Mae David Davies yn gobeithio torri record Brydeinig arall wedi iddo sicrhau ei le yn rownd derfynol y 1500m dull rhydd ym Mhecnampwriaethau Nofio'r Byd yn Rhufain.
Gorffennodd y Cymro yn drydydd y tu ôl i Sun Yang a Oussama Mellouli mewn amser o 15 munud a 52 eiliad yn y rhagras i sicrhau ei le yn y rownd derfynol ddydd Sul.
Mae Davies eisoes wedi sefydlu dwy record Brydeinig yn ystod yr wythnos yn Rhufain gan gynnwys yn rownd derfynol y 800m dull rhydd pan orffennodd yn bumed.
Ac roedd hefyd yn aelod o dîm y 4x200m y dull rhydd sefydlodd record Brydeinig wrth orffen yn seithfed yn y rownd derfynol.
