BBC HomeExplore the BBC
Mae’r dudalen yma wedi cael ei harchifo ac nid yw’n cael ei diweddaru bellach. Mwy am dudalennau sydd wedi eu harchifo.

LLUN
17eg Tachwedd 2014
Hygyrchedd
Geiriau Yn Unig
Cwpan y Byd 2006

BBC Homepage
BBC Cymru

»

Chwaraeon

Pêl-droed
Abertawe
Caerdydd
Casnewydd
Wrecsam
Uwchgynghrair Cymru
Pêl-droed Cyffredinol
Rhyngwladol

Rygbi
Rhyngwladol
Rhanbarthol

Athletau
Beicio
Bocsio
Criced
Cyffredinol
Golff
Moduro
Olympaidd
Rasio Ceffylau
Rygbi XIII
Snwcer
Tenis

Canlyniadau

BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
 

Ymateb

Cymorth

Wedi mwynhau'r ddalen hon?
Anfonwch hyn at gyfaill!

 
Newidiwyd diwethaf: 04 Gorffennaf 2006
Yr Almaen 0-2 Yr Eidal (way)

Cafwyd dwy gôl odidog yn yr amser ychwanegol gan Fabio Grosso ac Alessandro Del Piero wrth i'r Eidal sicrhau eu lle yn rownd derfynol Cwpan y Byd ar draul Yr Almaen.


Gydag amser ychwanegol yn prysur ddirwyn a phawb yn disgwyl ciciau o'r smotyn, llwyddodd Grosso i grymanu pas gŵr y gêm, Andrea Pirlo, heibio Jens Lehmann gyda munud yn unig yn weddill.

Ac wrth i'r Almaenwyr bwyso am gôl i ddod yn gyfartal, seliwyd y fuddugoliaeth wrth i Del Piero godi'r bêl yn gelfydd i gornel y rhwyd.

Yn gynharach yn yr amser ychwanegol, peniodd Lukas Podolski, oedd yn rhydd yn y cwrt cosbi, fodfeddi heibio'r postyn.

Roedd yn ddiweddglo anhygoel i gêm ddifyr tu hwnt welodd Yr Eidal yn taro'r postyn ddwywaith a Gianluigi Buffon yn arbed yn wych gan Podolski.

Roedd y 90 munud agoriadol yn ddisgôr gyda'r gêm yn ffrwydro yn yr hanner awr ychwanegol.

Cafwyd meddylfryd ymosodol iawn gan Yr Eidalwyr, er eu natur amddiffynnol arferol, diolch yn bennaf i record wych Yr Almaenwyr o giciau o'r smotyn.

Tarodd yr eilydd, Alberto Gilardino, ergyd yn erbyn y postyn a tharodd Gianluca Zambrotta'r trawst, ond roedd Podolski yn fygythiad ar ben arall y maes i'r tîm cartref.

Methodd â'r peniad o groesiad David Odonkor a gorfododd Buffon i arbed yn gampus.

Yna gwastraffodd Del Piero gyfle euraidd gan ergydio o ochr y cwrt cosbi yn dilyn gwaith da gan Vincenzo Iaquinto a Francesco Totti.

Ond roedd amser ar ôl i Pirlo gwneud ei farc wrth iddo ganfod Grosso â phas hyfryd a tharodd yr ymosodwr ergyd heibio Lehmann wedi 119 munud.

Ac wrth i ŵyr Jurgen Klinsmann bwyso am gôl i ddod yn gyfartal, synnwyd y dorf enfawr yn Dortmund wrth i Del Piero rwydo'n glinigol a gyrru'r Azzurri drwodd.

TIMAU

Yr Almaen: Lehmann, Friedrich, Metzelder, Mertesacker, Lahm, Borowski, Ballack, Kehl, Schneider, Klose, Podolski.

Eilyddion: Jansen, Huth, Nowotny, Schweinsteiger, Hanke, Neuville, Kahn, Asamoah, Hitzlsperger, Odonkor, Hildebrand.

Yr Eidal: Buffon, Zambrotta, Cannavaro, Materazzi, Grosso, Camoranesi, Perrotta, Gattuso, Pirlo, Totti, Toni.

Eilyddion: Zaccardo, Barzagli, Del Piero, Gilardino, Peruzzi, Nesta, Amelia, Iaquinta, Barone, Inzaghi, Oddo.

Dyfarnwr: Benito Archundia Tellez (Mecsico)

TRIFIA

Dyma fydd y trydydd pencampwriaeth yn olynol i'r Eidal orfod herio'r tîm cartref.

Yng Nghwpan y Byd 2002, collodd yr Azzuri yn rownd yr 16 ollaf yn erbyn De Corea, ac ym 1998, roedd angen ciciau o'r smotyn ar Ffrainc i drechu'r Eidal yn rownd yr wyth olaf.

Mae'r ddau dîm wedi cwrdd mewn rownd cynderfynol o Gwpan y Byd yn y gorffennol pan drechodd Yr Eidal Gorllewin yr Almaen 4-3 mewn gêm mhynod ddramatig aeth i amser ychwanegol.

Cafodd Gorllewin yr Almaen gyfle i dalu'r pwyth yn ôl yn rownd derfynol Cwpan y Byd 1982, ond Yr Azzurri oedd yn fuddugol unwaith eto.

Cafwyd goliau gan Paolo Rossi, Marco Tardelli ac Alessandro Altobelli wrth i'r Eidal sicrhau buddugoliaeth 3-1 dros Gorllewin yr Almaen ym Madrid.

Mae'r Almaen yn ceisio bod y wlad cyntaf i gyrraedd wyth rownd derfynol o Gwpan y Byd - maent wedi ennill y tlws ar dair achlysur, 1954, 1974 a 1990, tra'n colli yn rowndiau terfynol 1966, 1982, 1986 a 2002.

Mae'r Eidal ar rhediad di-guro o 23 gêm rhyngwladol - rhediad sydd yn cynnwys buddugoliaeth 4-1 dros Yr Almaen mewn gêm gyfeillgar cyn y bencampwriaeth.


chwaraeon
Hanes y Gwpan
 
Y Timau
 


About the BBC | Help | Terms of Use | Privacy & Cookies Policy