"Nid wyf yn siwr iawn beth ddigwyddodd iddo," meddai Kovac wrth BBC Chwaraeon. "Nid oedd yn rhedeg ac fe arhosodd o'n blaenau. Mae'n rhaid ei fod wedi blino. Prin iawn oedd yr adegau gyffyrddodd y bêl.

"Roedd ddigon hawdd. Rwyf wedi chwarae yn ei erbyn o'r blaen ac wedi ei chael yn anodd. Nid wyf yn siwr beth sydd wedi digwydd iddo."

Mae Ronaldo wedi cael tymor cythryblus â Real Madrid gyda nifer yn ei feirniadu am fod dros ei bwysau delfrydol.

Ond roedd hyfforddwr Brasil, Carlos Alberto Parreira, a sgoriwr unig gôl y gêm ddydd Mawrth, Kaka, yn sydyn iawn i amddiffyn Ronaldo.

Cyfaddefodd Parreira fod y chwaraewr yn edrych tipyn bach yn araf ond cadarnhaodd byddai'n chwarae eu hail gêm yn erbyn Awstralia ddydd Sul.

"Nid yw Ronaldo wedi chwarae am ddau fis ac felly mae'n naturiol ei fod yn teimlo'n drwm ar ddiwrnod mor boeth, ond rwy'n siwr bydd yn gwella wrth i'r bencampwriaeth fynd yn ei blaen," meddai.