Sgoriodd Brown 56 o rediadau yn erbyn Morgannwg yng Nghwpan Ugain20 ym Mryste y tymor diwethaf.

"Mae David yn chwaraewr talentog sydd wedi creu argraff yn erbyn Morgannwg a Siroedd eraill yn ystod y tymhorau diwethaf," meddai cyfarwyddwr criced Morgannwg, Matthew Maynard.

"'Dwi'n falch iawn ei fod wedi cytuno ar delerau gyda ni ar gyfer 2010 a 2011 ac yn edrych ymlaen at gael gweithio gyda David ac i'w helpu gwireddu ei botensial."

Fe gafodd Brown, a anwyd yn Burnley, ei ryddhau gan Sir Gaerloyw fis diwethaf gyda blwyddyn o'i gytundeb yn weddill.

"'Dwi'n edrych ymlaen at yr her newydd gyda Morgannwg," meddai Brown.

"Mae 'na gyfuniad o dalent ifanc a profiadol yn yr ystafell newid a 'dwi methu disgwyl i fod yn rhan o hynny."