Antonio Brancalion fydd ei wrthwynebydd wrth i'r ddau ymladd am goron pwysau is-drwm Ewrop.

Methodd hyrwyddwyr Cleverly ac ennill yr hawl i lwyfannu'r ornest gan fod hyrwyddwyr Brancalion wedi cynnig mwy o arian i'w threfnu.

Mae'n debyg mai yn nhref enedigol Brancalion fydd yr ornest, sef Rovigo.

"Fe awn ni i unrhyw le ac unrhyw bryd, mae Nathan yn barod," meddai tad a hyfforddwr Cleverly, Vince.

Cleverly, sy'n 22 mlwydd oed, yw bencampwr Prydain a'r Gymanwlad.

Mae'r gŵr o Gefn Fforest yn gobeithio bod y chweched Gymro yn unig i ddal coronau Prydain, y Gymanwlad ac Ewrop ar yr un pryd.

Jim Driscoll, Eddie Thomas, Dai Dower, Jonny Owen a Colin Jones yw'r unig rai i lwyddo i wneud hynny hyd yn hyn.

Ni lwyddodd yr un o'r rheini i fynd ymlaen i ennill coron byd, ond dyna yw nod Cleverly y flwyddyn nesaf ar ôl iddo gwblhau ei radd mewn mathemateg ym Mhrifysgol Caerdydd.