|
Hore i adael ei rôl â Chymru
01 Gorffennaf 2005
Bydd hyfforddwr ffitrwydd Cymru, Andrew Hore, yn dychwelyd i Seland Newydd yn yr hydref er mwyn derbyn swydd ag Undeb Rygbi'r wlad.
Mae Hore, 33, yn cael ei gydnabod fel y person sydd yn gyfrifol am godi lefelau ffitrwydd chwaraewyr Cymru yn y tair blynedd diwethaf.
Ond mae wedi cae ei demtio yn ôl i'w famwlad â chynnig o weithio â'r 14 academi rygbi yn Seland Newydd.
"Mae wedi bod yn benderfyniad anodd. Gyda theulu newydd, mae fy ngwraig a minnau wedi penderfynu fod yr amser yn iawn i ni symud," meddai Hore.
Dywedodd rheolwr cyffredinol Undeb Rygbi Cymru, Steve Lewis, eu bod eisoes wedi cychwyn chwilio am olynydd i Hore."Rydym wedi bod yn chwilio trwy'r byd rygbi am olynydd teilwng i Andrew a rydym ar fin cyhoeddi pwy fydd yn cymryd y swydd a rydym yn credu bydd yn cydweithio'n dda â'r tîm rheoli," medai Lewis. Bydd Hore yn parhau â Chymru am rai misoedd tan fod ei olynydd yn barod i gymryd y swydd.
|
