|
Caerdydd wrth gefn
15 Awst 2005
Mae Cymdeithas Pêl-droed Lloegr wedi sicrhau Stadiwm y Mileniwm ar gyfer rownd derfynol Cwpan yr FA 2006 rhag ofn na fydd Wembley yn barod.
Caerdydd sydd wedi cynnal y rownd derfynol dros y bum mlynedd ddiwethaf tra bod y gwaith o adeiladu Wembley yn parhau.
Mae'r gymdeithas wedi dadlau fod y gwaith yn Wembley ar amser ond cadarnhaodd prif weithredwr Stadiwm y Mileniwm, Paul Sergeant, fod Caerdydd ar gael pe bai problem.
"Mae dydd Sadwrn Mai 13 2006 wedi ei roi yn ein dyddiaduron ac rydyn ni wedi arwyddo cytundeb i'r perwyl hwnnw," meddai Mr Sergeant.
"Mae gan y Gymdeithas Bêl-droed bob bwriad o gynnal y digwyddiad yn Wembley. Mae'n gwneud synnwyr iddyn nhw gael rhywle wrth gefn."
>> mwy o Newyddion BBC Cymru'r Byd
|
