Azerbaijan 0-1 Lloegr
13 Hydref 2004
Llwyddodd y capten dros dro, Michael Owen, i rwydo unig gôl y gêm dros Loegr a sicrhau buddugoliaeth yn Baku.
Rhwydodd Owen, oedd yn arwain oherwydd i David Beckham gael ei wahardd, yn dilyn croesiad gan Ashley Cole ar ôl 21 munud.
Mae Lloegr nawr wedi cryfhau eu safle ar frig Grwp 6 wrth geisio ennill eu lle yng Nghwpan y Byd 2006.
Fe benderfynodd hyfforddwr Lloegr Sven-Goran Eriksson i chwarae Jermaine Jenas, o Newcastle, yn safle Beckham.
A fu bron i Loegr ddechrau yn y modd mwyaf delfrydol wrth i Owen benio croesiad Gary Neville ond heibio'r postyn aeth y cynnig.Mae Azerbaijan wedi magu hyder yn dilyn gemau cyfartal gartref yn erbyn Cymru a Gogledd Iwerddon a fe ddaeth y tîm yn agos ar ôl 11 munud.
Fe ergydiodd Emin Guliyev o bellter gan synnu Paul Robinson yn y gôl. Aeth y bêl modfeddi heibio'r postyn.
Fe gymerodd Lloegr fantais o hynny wrth i Owen benio heibio Jahangir Hasanzade o wyth llath.
Cafodd yr ymwelwyr gic rhydd saith llath o'r gôl wrth i'r ddyfarnwr ddweud fod Hasanadze wedi dal pâs yn ôl iddo gan un o'u chwaraewyr ei hun.
Rhoddodd Nicky Butt y bêl i Wayne Rooney ond fe daniodd yn erbyn y wal.
Yr ochr arall, roedd angen i Robinson arbed wrth draed Samir Aliyev wyth munud ar ôl yr egwyl.
Daeth Lloegr yn ôl wrth i Frank Lampard danio ergyd o 30 llath gan orfodi'r gôl-geidwad i'w throi hi drosodd.
Fe ddaeth Alan Smith ymlaen yn lle Jermain Defoe a chafodd Jenas ei eilyddio gan Shaun Wright-Phillips.
Fe weithiodd Rooney y galed drwy'r gêm wrth geisio cynorthwyo'r ymosodwyr a fu bron iddo sgorio efo cic rhydd ond arbedodd y gôl-geidwad.
Azerbaijan: Hasanzade, Hajiyev, Sadygov, Amirbekov, Shukurov, Kerimov, Emin Guliyev, Kamal Guliyev, Ponomarev, Nabiev, Aliyev.
Eilyddion: Makhmud Gurbanov, Gurban Gurbanov, Mekhtiev, Abbasov, Abdullayev, Mamedov, Ilgar Gurbanov.
Lloegr: Robinson, Gary Neville, Ashley Cole, Butt, Ferdinand, Campbell, Jenas, Lampard, Rooney, Owen, Defoe.
Eilyddion: King, James, Terry, Hargreaves, Joe Cole, Wright-Phillips, Smith.
Dyfarnwr: Alain Hamer (Luxembourg)
