Caerfyrddin 5-1 Longford Town
28 Gorffennaf 2005
Llwyddodd Caerfyrddin i sicrhau canlyniad anhygoel er mwyn sicrhau eu lle yn yr ail rowwnd ragbrofol wrth drechu Longford Town o Iwerddon 5-3 dros y ddwy gymal.
Ymddengys fod gobeithion y Cymry ar ben wedi Andrew Myler rwydo o'r smotyn i ddod â Longford yn gyfartal wedi gôl gynnar Danny Thomas.
Ond gwrthododd Caerfyrddin ag ildio gan daro pedair gôl heibio deiliaid Cwpan Iwerddon yn yr ail hanner.
Rhwydodd Gary Lloyd ddwywaith cyn i Thomas ychwanegu ei ail gôl cyn i Nathan Cotterall slio'r fuddugoliaeth 10 munud cyn y diwedd.
Dyma'r canlyniad gorau gan glwb Uwchgynghrair Cymru yn un o gystadlaethau Ewrop a chyda'r Rhyl yn ennill drwodd yn Lithiwania roedd yn noson wych i bêl-droed Cymreig.Un o'r timau eraill fydd yn yr het ynghyd â Chaerfyrddin a'r Rhyl yn Nyon, Y Swistir ddydd Gwener fydd Dundee United o'r Alban.
Bydd cymal cyntaf yr ail rownd ragbrofol yn cael ei gynnal ar 11 Awst gyda'r ail gymal pythefnos yn ddiweddarach.
Caerfyrddin: Pennock, Hardy, Lloyd, Giles, Richard Carter,
Rhodri Jones, Aherne-Evans, Richard Kennedy, Dodds,
Daniel Thomas, Smothers.
Eilyddion: Walters, Burke, James, Abdullahi,
Cotterall, Turner.
Longford Town: O'Brien, Dillon, Martin, Ferguson, Paisley,
Kirby, Fitzgerald, Myler, Davy Byrne, O'Connor, Keegan.
Eilyddion:
Alan Murphy, Dessie Baker, Prunty, Cronin, Cawley, Gary Murphy,
Kelly.
Dyfarwnr: Jose Mengual Prades (Andorra)br>
