|
Cyn arwr Cymru, Burgess, yn marw
16 Chwefror 2005
Mae'r Cymro, Ron Burgess, oedd yn gapten ar dîm Tottenham Hotspur pan lwyddodd y clwb i ennill y bencampwriaeth ym 1951, wedi marw yn 87 mlwydd oed.
Wedi ymuno â'r RAF yn ystod yr Ail Ryfel Byd, daeth Burgess yn aelod rheolaidd o dîm Cymru ar gyfer gemau rhyngwladol yn ystod y rhyfel a llwyddodd i wisgo'r crys coch am wyth tymor wedi'r rhyfel.
Cafodd y cyntaf o'i 32 cap yn erbyn Lloegr ym Manceinion ym mis Tachwedd 1946, a'r olaf yn erbyn Awstria yn Vienna ym 1954 a sgoriodd ei unig gôl rhyngwladol mewn buddugoliaeth 3-2 dros Y Swistir ym 1951.
Chwaraeodd 296 o gemau i Spurs cyn symud i Abertawe ym 1954-55 lle chwaraeodd am dymor cyn cymryd swydd rheolwr y clwb am dair blynedd.
Ym 1959 cymrodd yr awenau yn Watford a thra'n hyfforddwr â Fulham ym 1965 cymrodd reolaeth o dîm Cymru am un gêm yn absenoldeb Dave Bowen wrth iddynt chwalu Gogledd Iwerddon 5-0 yn Belfast.
|
