Enwau newydd yng ngharfan Tosh
26 Ionawr 2005
Mae John Toshack wedi cyhoeddi pedwar enw newydd yn ei garfan cyntaf fel rheolwr Cymru ar gyfer y gêm gyfeillgar â Hwngari yn Stadiwm y Mileniwm ar 9 Chwefror.
Mae David Partridge o Motherwell, Sam Ricketts o Abertawe, Gavin Williams o West Ham a Danny Collins o Sunderland yn derbyn yr alwad.
Mae'r golwr, Paul Jones, sydd ar fenthyg â Watford wedi ei adael allan o'r garfan.
Ac mae'r amddiffynwr profiadol o Aston Villa, Mark Delaney, yn colli'r gêm gan ei fod wedi anafu ei ben-glin, tra bo James Collins wedi ei enwi'n gapten y tîm dan-21.
Mae'r cyhoeddiad yn coroni cyfnod annhygoel i Collins oedd yn chwarae yng Nghynghrair Undebol y Gogledd i glwb Bwcle hyd at 2001 cyn iddo ymuno â Chaer.Mae David Partridge o glwb Motherwell, gafodd un cap i dîm dan-21 Cymru yn erbyn Twrci ym 1997, wedi ei gynnwys wedi Toshack ei wylio yn chwarae yn erbyn Celtic dros y Sul.
Mae Brian Flynn hefyd yn croesawu wynebau newydd i'r tîm dan-21 fydd yn herio'r Almaen yn Wrecsam ar 8 Chwefror gyda chwe chwaraewr yn cael eu cynnwys am y tro cyntaf.
Dywedodd Toshack ei fod am weld mwy o chwaraewyr ifanc yn ymuno â'r brif garfan ond mae James Collins a Richard Duffy wedi eu cynnwys yng ngharfan y tîm dan-21 ar gyfer y gêm gystadleuol yn hytrach na gêm gyfeillgar y brif garfan.
Carfan Cymru: Coyne (Burnley), Crossley (Fulham), Collins (Sunderland), Edwards (Wolves), Gabbidon (Caerdydd), Page (Caerdydd), Partridge (Motherwell), Ricketts (Swansea), Roberts (Tranmere), Weston (Caerdydd), Davies (Tottenham), Fletcher (West Ham), Giggs (Man Utd), Koumas (West Brom), Robinson (Sunderland), Savage (Blackburn), Williams (West Ham), Bellamy (Newcastle), Earnshaw (West Brom), Hartson (Celtic).
Carfan dan-21 Cymru: Price (Ipswich), Worgan (Rushden), Beevers (Boston), Collins (Caerdydd), Duffy (Portsmouth), Gilbert (Plymouth), Morgan (Wrecsam), Nyatanga (Derby), Fowler (Huddersfield), Ledley (Caerdydd), Pipe (Notts County), Pulis (Portsmouth), Vaughan (Crewe), Birchall (Arsenal), Calliste (Man Utd), Crofts (Gillingham),Davies (Rhydychen), Tolley (Amwythig).
