|
Melville yn ymddeol
25 Hydref 2004
Mae'r hen ben o amddiffynnwr, Andy Melville, wedi cyhoeddi ei fod yn ymddeol o bêl-droed rhyngwladol
"Rwyf wedi bod yn falch iawn cael chwarae dros fy ngwlad, ond rwy'n teimlo fod yr amser yn iawn i roi'r gorau iddi," meddai amddiffynnwr canol West Ham.
Ychwanegodd Melville, 35: "Bydd rheolwr newydd eisiau gweld y talent ifanc sydd yn dod drwodd ac ni fyddwn eisiau sefyll yn eu ffordd."
Gwnaeth Melville ei ymddangosiad cyntaf yn erbyn Gorllewin yr Almaen ym 1989 a chafodd y diwethaf o'i 65 cap yn erbyn Azerbaijan fis diwethaf.
Mae'n dilyn esiampl y cyn gapten, Gary Speed, ddaeth â'i yrfa rhyngwladol i ben wedi'r golled yn erbyn Gwlad Pwyl, gêm welodd diwedd cyfnod Mark Hughes wrth y llyw â Chymru."Rwy'n dymuno'n dda i'r rheolwr newydd a byddaf yn gwylio'r blynyddoedd nesaf â chryn ddiddordeb," ychwanegodd Melville. "Hoffwn ddiolch i'r holl gefnogwyr am eu cefnogaeth dros y blynyddoedd."
|
