Hughes yn parhau'n hyderus
08 Medi 2004
Dywedodd rheolwr Cymru, Mark Hughes, fod modd i'w dîm gyrraedd Cwpan y Byd er gêm gyfartal siomedig â Gogledd Iwerddon.
"Nid dyma'r dechrau delfrydol, ond nid ydym wedi colli'r ddwy gêm, mae yna ffordd bell i fynd," meddai Hughes.
"O ran y perfformiad mae'r hogia'n haeddu clod am yr ail hanner."
Gwrthododd Hughes wneud unrhyw sylwad ar y sibrydion sydd yn ei gysylltu â swydd rheoli Blackburn, gan ddweud: "Rwyf eisiau cael y chwaraewyr at eu gilydd fel grwp a mynd eto."
Cyfaddefodd y rheolwr fod colli Robbie Savage yn gynnar yn yr hanner cyntaf wedi drysu ei gynlluniau."Nid oeddem yn gallu cael gafael ar y bêl na chael i fewn i'r gêm yn gynnar yn y cyfnod agoriadol," meddai Hughes.
"Rwyf wedi siarad â Robbie ac mae'n mynnu nad oedd yn haeddu'r cerdyn coch - ond fe newidiodd y gêm yn llwyr.
"Rydych yn gwneud cynlluniau ar gyfer y gêm, nd yn sydyn maent wedi eu chwalu.
"Wrth ildio dwy gôl roedd gennym fynydd i'w ddringo.
"Pob clod i'r tîm - yn enwedig yn yr ail hanner - roeddent wedi llwyddo i achub y gêm, ond nid oes modd rhoi mantais fel yna i dimau."
