Yr Ods

Yr Ods - Maes B 2011

I weld y cynnwys hwn rhaid i chi alluogi Javascript a gosod Flash ar eich cyfrifiadur. Ewch i BBC Webwise (Saesneg) am gyfarwyddiadau.

"Mae Yr Ods yn feistri ar gymysgu gitar indie gyda phop modern gan greu caneuon bachog a chofiadwy." (Dyl Mei)

Mae gen i ebost o Ionawr 2007 gan Griff Lynch sy'n cyflwyno'r band trwy ddweud, "'Da ni wedi recordio yr holl ganeuon ar laptops yn Pantycelyn gan ddau foi sy'n gneud dim gwaith o gwbwl. Mae yr Ods yn mynd i chwalu dy ben, sbeitio dy dad a rhamantu dy fam, BYDD BAROD! (plis chwaraewch y caneuon ma!!)".

Rhyw flwyddyn wedyn recordiodd y band sesiwn i raglen Huw Stephens. John Lawrence oedd cynhyrchydd y sesiwn, ac ma 'na dair cân wych arni, yn cynnwys yr hit radio Gobeithio Heno!

Mae'r band wedi rhyddhau dwy sengl - Defnyddio a Fel Hyn Am Byth - ond dydy hynny ddim yn gwneud tegwch hefo'u prysurdeb nhw yn y dair blynedd diwetha. Ma nhw di gigio'n gyson, a di gyrru dwn i ddim faint o ganeuon draw i ni - y cyfan yn wych, a phob un yn wahanol. Tecno, pop, roc, a hyd yn oed fersiwn o gân Lily Allen, The Fear!

A sôn am recordio caneuon pobol eraill, mae'r Ods hefyd wedi recordio cyfyr o un o fy hoff ganeuon i erioed, a hynny i gyfres Geraint Jarman ar C2 - Tracsuit Gwyrdd.

Ar ôl ennill Gwobr Roc a Phop BBC Radio Cymru am y band newydd gorau yn 2009, chwaraeodd y band ar lwyfan y "Queens Head" yng Ngŵyl Glastonbury, yn ogystal â pherfformio yng ngwyliau Wakestock a Sŵn.

Yn 2010 rhyddhaodd y band yr albwm, Yr Ods oedd yn cynnwys caneuon melodaidd a chofiadwy fel 'Cofio Chdi o'r Ysgol' a 'Nid Teledu oedd y Bai'. Enillodd y gân, 'Fel Hyn am Byth' Wobr Roc a Phop BBC Radio Cymru am y gân orau. Yn 2011 enillodd y band Wobr RAP Radio Cymru arall, y tro hwn fel 'Band y Flwyddyn'. Yn ogystal enillodd yr Ods Wobr am EP Gorau 2010 yng Ngwobrau Cylchgrawn Y Selar. Dilynwyd hyn gydag albym arall yn Nhachwedd 2011, Troi a Throsi

Ond dwi am gloi hefo geiriau rhywun arall am Yr Ods. Dyma ddywedodd Emily Eavis, trefnydd gŵyl Glastonbury, amdanyn nhw ar ôl eu gweld nhw'n fyw yn yr ŵyl: "Ma nhw'n ifanc, rhywle rhwng y Super Furry Animals a'r Arctic Monkeys, ac ma ganddyn nhw ganeuon pop gwych, llawn egni. Os ewch chi i'w gwylio nhw, dwi'n gaddo, newch chi ddim gadael tan y diwedd un!"

Lisa Gwilym

Newyddion

Gwobrau RAP 2009 - yr enillwyr

3 Ebrill 2009

Enillwyr Gwobrau Roc a Phop Radio Cymru 2009

Teithiau'r Gwanwyn

15 Ebrill 2008

Radio Lux, MC Mabon, Swci a mwy!

Pwy fydd bandiau 2008?

2 Ionawr, 2008

'Tips' ar pa fandiau ddylech chi wylio allan amdanyn nhw yn 2008.

Sesiynau

Yr Ods

Sesiwn Yr Ods ar gyfer Gwobrau RAP 2011

07 Ebrill 2011

Sesiwn Yr Ods ar gyfer Gwobrau RAP 2011

Yr Ods - Gwobrau RAP 2009

04 Ebrill 2009

Cân newydd gan Yr Ods ar gyfer gwobrau RAP '09

Yr Ods - Gwobrau RAP 2009

04 Ebrill 2009

Cân newydd gan Yr Ods ar gyfer gwobrau RAP '09

Adolygiadau

Yr Ods

Yr Ods

11 Hydref 2010

Beth yw barn yr adolygwyr am EP Yr Ods?

Eraill


C2

C2 - gigs

Rhestr gigs

Pwy sydd yn chwarae lle a pryd? Rhestr gigs C2

BBC Wales Music

Sian Evans

More Music by Welsh artists

Take at look at our musical profiles of all kinds of artists from across the country.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.