Yr Angen

Yr Angen

'Band sy'n mynd i ddatblygu i fwy na hyn y gallan nhw ei ddychmygu nawr.' (Rhodri Llwyd Morgan)

Band roc ifanc o ardal Abertawe ydy Yr Angen. Enillodd y band gystadleuaeth Brwydr y Bandiau C2 yn 2010 gan ddod yn fuddugol gyda'r gân Nawr Mae Drosto.

Aelodau'r band ydy Jac Davies (prif leisydd, gitar rythm), Jamie Price (gitar flaen), Gareth Jones (gitar fas) a David Williams (drymiau). Mynychodd holl aelodau'r band Ysgol Gyfun Gŵyr yn Nhregwyr, Abertawe.

Pan yn rhoi eu beirniadaeth ar y bandiau yn y rownd derfynol, dywedodd Ian Cottrell fod Nawr Mae Drosto yn "hit radio enfawr.... hit stadiwm enfawr". Dywedodd Rhodri Llwyd Morgan fod y band "wedi datblygu y tu hwnt i bob disgwyl". Ychwanegodd Bethan Elfyn: "Ma nhw'n fand cyffrous ar gyfer y sîn a fyddwn i'n barod iawn i roi grŵp fel yma mewn sesiwn gan eu bod yn swnio fel bod ganddyn nhw ganeuon a bod popeth yn barod i fynd."

Cyrhaeddodd y band rif 10 yn siart C2 yng Ngorffennaf 2010. Yn ystod haf 2010 chwaraeodd y band yn Yr Wythnos Fach i BBC Radio 1 , Maes B, Gŵyl Bro Dinefwr a Sioe Frenhinol Cymru. Bu'r band hefyd yn recordio sesiwn ar gyfer C2, ac yn perfformio ar Faes B yn 2011. Chwaraeodd y band sesiwn acwstig i raglen Dodd Com ar C2 BBC Radio Cymru yn Ebrill 2011.

Sesiynau

Yr Angen

Sesiwn fyw Yr Angen yn arbennig i C2

21 Ebrill 2011

Sesiwn fyw a recordiwyd yn arbennig i raglen Dodd com.

Yr Angen

01 Hydref 2010

Sesiwn gan Yr Angen - 3 can newydd yn arbennig i C2.

Adolygiadau

Yr Angen

C2

C2 - gigs

Rhestr gigs

Pwy sydd yn chwarae lle a pryd? Rhestr gigs C2

BBC Wales Music

Sian Evans

More Music by Welsh artists

Take at look at our musical profiles of all kinds of artists from across the country.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.