Tystion

Tystion

Hip-hopwyr chwyldroadol

Plentyn siawns MC Sleifar (Steffan Cravos) a G-Man (Gruff Meredith) oedd Tystion, roddodd bom o dan y sîn hip-hop Gymraeg ifanc yn 1996 a'i chicio "mewn i siap".

Ar ôl rhyddhau nifer o gasetiau gyda'i gilydd, drafftiwyd y cynhyrchydd Curig Huws a'r rapiwr Chef (Gareth Williams) i'r grŵp i gynhyrchu albwm gynta Tystion, Rhaid I Rywbeth Ddigwydd yn 1997, ddaeth allan ar label Fitamin Un.

Dilynodd dwy albwm a thair EP ar label Ankst rhwng 1998 a 2000, ond erbyn hynny roedd Meredith wedi ffarwelio â Cravos er mwyn sefydlu personoliaeth newydd, sef MC Mabon.

Yn adnabyddus am themâu gwleidyddol a maniffesto "gallwn ni wneud unrhywbeth" yn rhedeg trwy eu caneuon, daeth Tystion â dos go helaeth o realaeth i'r sîn Gymraeg, oedd ar y pryd yn diodde o iselder ysbryd yn dilyn colli sawl grwp sefydlog i'r iaith fain.

Gyda'r EP Y Meistri (2001) yn actio fel rhybudd i'r plant newydd ar y bloc - Pep Le Pew, yn bennaf - roedd yn edrych fel petai dyfodol Tystion yn ddiogel, ond gyda chyhoeddi diwedd y grwp ar lwyfan Maes B yn Eisteddfod Genedlaethol 2002 ac un EP ola (M.O.M.Y.F.G.) daeth cyfnod Tystion i ben.

Digon teg yw dweud bod Tystion wedi gosod y sylfaen i'r rhan fwya o hip-hop Cymraeg sydd yn bodoli heddiw.

A chofiwch, does dim 'Y' ar ddechrau enw'r grŵp. Gwnewch y camgymeriad hwnnw; watchiwch eich cefnau.

Ian Cottrell

Newyddion

Teyrngedau i John Peel

Hydref 14, 2005

Adolygiadau

Adolygiad CD Ankst

4 Chwefror 2008

Beth yw barn yr adolygwyr am "Radio Crymi Playlist Vol 2"?

Eraill

Jeni Lyn ar C2

Y newyddion cerddorol diweddaraf, gan gynnwys newyddion am raglen Ysgol Roc, albym a thaith Richard James, Gwyl Bae Cemaes a llawer mwy...


[an error occurred while processing this directive]

C2

C2 - gigs

Rhestr gigs

Pwy sydd yn chwarae lle a pryd? Rhestr gigs C2

BBC Wales Music

Sian Evans

More Music by Welsh artists

Take at look at our musical profiles of all kinds of artists from across the country.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.