Race Horses

Race Horses

Race Horses (Radio Luxembourg gynt) yw un o fandiau mwyaf llwyddiannus y sîn roc Gymraeg cyfoes. Maent yn gewri o felodïau gwyrthiol yn ogystal â chrysau seicadelig. Maen nhw'n dilyn trywydd pop arbrofol seicadelig ac yn feistri ar greu harmonïau lleisiol.

Aelodau

  • Meilyr Jones: Llais a bâs
- Alun Gaffey: Gitar
- Dylan Hughes: Allweddellau 
- Gwion Llewelyn: Drymiwr

Sefydlwyd Radio Luxembourg yn 2005 gan rai o gyn aelodau Mozz. Roedd y gerddoriaeth yn ddatblygiad gwahanol i Mozz wrth iddynt ddilyn trywydd pop arbrofol seicadelig. Roedd dylanwad Euros Childs o'r Gorkys yn amlwg i ddechrau a gynhyrchodd senglau ac EPs y gr?p gan hefyd gynnig i rai o'r aelodau i berfformio yn ei fand, Euros Childs, am sbel.

Gwnaeth llafurio'r band ddwyn ffrwyth ar ôl rhyddhad ei sengl P?er Y Fflwer/Lisa Magic a Porva, a brofodd yn arwyddgan i'r band am rai blynyddoedd. Cafodd yr ail sengl, Os Chi'n Lladd Cindy, ei ryddhau ar finyl 7 modfedd a rhoddodd dimensiwn newydd a gwobr RAP BBC Radio Cymru am Sengl y Flwyddyn.

Nesaf, rhyddhawyd yr EP anhygoel Diwrnod Efo'r Anifeiliaid. Roedd hi'n amlwg o'r foment hon fod y band am fynd yn ei blaen yn y byd cerddorol. Roedd harmonïau'n llifo dros felodïau hapus ac roedd gwaith celf yr EP, gan Ruth Jen, yn denu sylw ac yn dangos proffesiynoldeb y band.

Wedi hyn roedd cyfnod prysur yn disgwyl y band wrth iddynt (cymrwch anadl) perfformio yn Glastonbury, cael eu dewis i gynrychioli Cymru yn Proms Trydanol y BBC, rhyddhau'r EP Where is Dennis?/Cartoon Cariad, cymryd rhan mewn taith Brydeinig BBC Introducing a theithio o amgylch Cymru mewn taith a drefnwyd gan MaesB yn ogystal â pherfformio mewn nifer o wyliau a gigiau eraill yng Nghymru, Lloegr ac Efrog Newydd.

Ar ôl arwyddo i label yn Hydref 2008, daeth i'r amlwg yn 2009 nad oedd hi bellach yn bosib defnyddio'r enw Radio Luxembourg oherwydd y posibilrwydd o broblem gyfreithiol wrth rannu'r enw gyda gorsaf radio enwog ac felly penderfynwyd newid eu henw i Race Horses. Dathlwyd ei henw newydd gyda drymiwr newydd a rhyddhad ei sengl dwy ochr A hir ddisgwyliedig yn Ebrill 2009.

Rhyddhaodd y band sawl sengl yn 2011 yn cynnwys, Pony, Marged wedi Blino,Grangetown a Benidorm. Maent yn ffynnu yn fyw ac yn berfformwyr o radd flaenaf.

Newyddion

Race Horses - Cake/Cacen Mamgu

Sengl newydd 'Race Horses'

1 Mehefin 2009

Daeth Dyl a Mei o'r Race Horses i fewn i gael sgwrs gyda Magi am y sengl newydd.

Sengl newydd 'Race Horses'

1 Mehefin 2009

Daeth Dyl a Mei o'r Race Horses i fewn i gael sgwrs gyda Magi am y sengl newydd.

Teithiau'r Gwanwyn

15 Ebrill 2008

Radio Lux, MC Mabon, Swci a mwy!

Adolygiadau

ICA, Llundain

6 Mawrth 2008

Gig yn Llundain gyda Radio Luxembourg, Genod Droog, MC Mabon, Mr Huw a mwy.

Sion Llwyd yn adolygu gig 'Stafell fyw

31 Ionawr 2008

Y cerddor Sion Llwyd yn adolygu y cyntaf mewn cyfres o gigs gan Gymdeithas yr Iaith a Siarc Marw.

Eraill

Jeni Lyn ar C2

Y newyddion cerddorol diweddaraf, gan gynnwys newyddion am raglen Ysgol Roc, albym a thaith Richard James, Gwyl Bae Cemaes a llawer mwy...


[an error occurred while processing this directive]

C2

C2 - gigs

Rhestr gigs

Pwy sydd yn chwarae lle a pryd? Rhestr gigs C2

BBC Wales Music

Sian Evans

More Music by Welsh artists

Take at look at our musical profiles of all kinds of artists from across the country.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.