Kentucky AFC

Kentucky AFC

Chwa o awyr iach gydag arddull amrwd a chyflym, roedd Kentucky AFC yn un o fandiau mwyaf dylanwadol Cymru.

Aelodau

  • Huw Owen: Bas a Llais
  • Endaf Roberts: Gitâr a Llais
  • Gethin Evans: Drymiau

Sefydlwyd Kentucky AFC yn 2001 wedi iddynt newid eu henw o Cacen Ŵy Experience. Roedd y band yn gwneud tipyn o sŵn a'u sain yn un ffres a newydd, wrth iddynt gyfuno melodïau, bachau a riffiau gyda strymio rhyfygus ar y gitâr.

Roedd y triawd yn gigio'n gyson - yn wythnosol ac weithiau'n ddyddiol! Byddai'r band yn perfformio mewn tafarndai, clybiau ac unrhyw leoliad arall ar hyd a lled Cymru a thu hwnt. Roedd ymroddiad a chariad y band tuag at eu crefft yn amlwg.

Yn 2003 recordiwyd y sengl hynod lwyddiannus Bodlon, a phrofodd hon i fod yn arwyddgan y band am flynyddoedd wedyn. Yn hwyrach y flwyddyn honno rhyddhawyd y sengl dwbl-A Outlaw/11. Dyma'r flwyddyn pan wnaeth llafurio'r band ddwyn ffrwyth.

Llwyddodd y Kentucky AFC i ennill pum gwobr yng ngwobrau RAP Radio Cymru dros y blynyddoedd gan gynnwys y Sesiwn Gorau, Newydd-ddyfodiad Gorau, Sengl Gorau (ar gyfer Outlaw/11 a recordiwyd gan gynhyrchydd Super Furry Animals, Gorwel Owen), Band Byw Gorau a Band y Flwyddyn.

Hefyd, enillodd y band ddwy wobr yng Ngwobrau Cerddoriaeth Cymru am y record gorau yn yr iaith Gymraeg (Bodlon) a Newydd-ddyfodiad Gorau Cymraeg.

Derbyniodd eu halbwm hir disgwyliedig, Kentucky AFC a rhyddhawyd yn 2004 gan Boobytrap Records, adolygiadau gwych. Enwebwyd y band ymysg Goldie Lookin Chain, Lostprophets a Super Furry Animals yng ngwobrau'r Ffatri Bop am y Grŵp Orau o Gymru.

Daeth newyddion trist yn haf 2007. Ar ôl chwe blynedd o greu cerddoriaeth flaengar gyson, cymryd rhan mewn nifer o sesiynau gan gynnwys cyrraedd Last Ever Festive Fifty yr arwr John Peel, a llwyddo i lwyfannu sioeau byw tanllyd ac weithiau anrhagweladwy, cyhoeddodd Kentucky AFC eu bod nhw'n rhoi'r ffidl yn y to drwy ryddhau'r albwm Fnord a chynnal taith ffarwel. Crewyd ffilm am y daith olaf gan Angharad Griffiths sydd i'w weld ar y we.

Mae holl aelodau Kentucky AFC yn weithredol o hyd mewn amryw o brosiectau cerddorol eraill.

Bellach mae Huw Owen wedi sefydlu ei hun fel Mr Huw ac mae eisoes wedi rhyddhau dau albwm; mae Endaf Roberts yn perfformio fel Endaf Presli, ac aeth Gethin Evans ymlaen i fod yn aelod o'r band llwyddiannus hip hop Genod Droog a ddaeth i ben yn 2008.

Lynsey Anne

Newyddion

Taith Tafod 2006

Y Ffyrc, Kentucky AFC ag Amlder...

Oxjam 2006

16 Hydref 2006

Ffilm newydd Y Lleill

Tachwedd 10, 2005

Sesiynau

Kentucky AFC

11 Hydref 2007

Gwranda - a gwylia - sesiwn olaf erioed y grŵp, wedi recordio ar gyfer rhaglen Lisa Gwilym ar C2.

Kentucky AFC

Mai 21, 2003

Eraill

Jeni Lyn ar C2

Y newyddion cerddorol diweddaraf, gan gynnwys newyddion am raglen Ysgol Roc, albym a thaith Richard James, Gwyl Bae Cemaes a llawer mwy...


[an error occurred while processing this directive]

C2

C2 - gigs

Rhestr gigs

Pwy sydd yn chwarae lle a pryd? Rhestr gigs C2

BBC Wales Music

Sian Evans

More Music by Welsh artists

Take at look at our musical profiles of all kinds of artists from across the country.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.