Duffy

Duffy

Cantores fyd-enwog o Nefyn - pwy feddyliai?

Mae pobl yn holi i fi o le ddaeth fy llais, a'r ffaith yw, dwi ddim yn gwybod! Pam fod dy lygaid y lliw ydyn nhw? Dyw e ddim yn ateb o gwbl ond dyna'r unig ateb sydd gen i.

Duffy

Pan ddaeth cantores ifanc o'r enw Aimee Duffy yn ail ar y gyfres gyntaf o Waw Ffactor 'nôl yn 2003, pwy fyddai'n meddwl y byddai hi ymhen ychydig o flynyddoedd yn codi ar ei thraed i ennill gwobr Grammy?

Yn y cyfamser, rhyddhaodd EP yn Gymraeg, tyfodd ei gwallt, collodd ei henw cyntaf, ond yr un llais unigryw oedd i'w chlywed ar y Waw Ffactor yn 2003 sydd wedi dod â llwyddiant ysgubol iddi.

Un o feirniaid Waw Ffactor, Owen Powell, gynt o Catatonia, oedd yn gyfrifol am gyflwyno Duffy i'w rheolwr Jeannette Lee, o label recordiau Rough Trade - a dyna ddechrau ei gyrfa ryngwladol ryfeddol.

Ddechrau Mawrth 2008, wedi bron i bedair blynedd o recordio, ymarfer a chyfansoddi, rhyddhawyd ei halbwm gyntaf, Rockferry. Erbyn hynny, diolch i'w hymddangosiadau ar raglen Jools Holland, a llwyddiant anhygoel y gân Mercy a fu'n rhif un ym Mhrydain a 12 gwlad arall, roedd disgwyl pethau mawr gan Duffy - ac felly y bu. Erbyn hyn mae'r albwm wedi gwerthu dros bum miliwn o gopïau o amgylch y byd - ac ar silff ben tan Aimee o Nefyn mae tair gwobr Brit ac un Grammy.

Cyfrinach Duffy yw ei chaneuon diamser, a'i llais unigryw, a ddatblygodd, meddai, wedi iddi hi dreulio'i hieuenctid yn smygu. Er mor ddiymhongar y gall ymddangos, hyd yn oed yn nyddiau'r Waw Ffactor roedd gan Duffy hyder yn ei thalent, ac roedd yn benderfynol o lwyddo.

Ar ddiwedd 2010 fe gwblhaodd ei hail albwm, 'Endlessly' ond ni chafodd yr albwm yma hanner cymaint o glod â'r un gyntaf. Roedd rhai o'r beirniaid o'r farn ei bod wedi glynu yn rhy slafaidd at y sain retro fu'n gymaint o lwyddiant iddi yn 2008, heb roi digon o stamp modern a sylweddol ar y caneuon.

Yn ystod yr un cyfnod, ymddangosodd Duffy fel actores yn y ffilm, 'Patagonia' gyda Matthew Rhys. Yn Chwefror 2011, cyhoeddodd y gantores y byddai'n cael saib o'r byd cerddorol cyn dechrau ar y gwaith o greu ei halbwm nesaf.

Newyddion

Gwobrau'r Brits 2009

19 Chwefror 2009

Duffy yn ennill tri "Brit"

Gwobrau'r Brits 2009

19 Chwefror 2009

Duffy yn ennill tri "Brit"

Dyw hi ddim yn Duff

Ebrill 1, 2004

Adolygiadau

Adolygiad CD Duffy, Rockferry

17 Mawrth 2008

Beth yw barn yr adolygwyr am albym Duffy - Rockferry?

Eraill

Jeni Lyn ar C2

Y newyddion cerddorol diweddaraf, gan gynnwys newyddion am raglen Ysgol Roc, albym a thaith Richard James, Gwyl Bae Cemaes a llawer mwy...


[an error occurred while processing this directive]

C2

C2 - gigs

Rhestr gigs

Pwy sydd yn chwarae lle a pryd? Rhestr gigs C2

BBC Wales Music

Sian Evans

More Music by Welsh artists

Take at look at our musical profiles of all kinds of artists from across the country.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.