Catatonia

Catatonia

Prif grwp pop Cymru yn y 90au, ddaeth ag amlygrwydd i Cerys Matthews.

Aelodau

  • Mark Roberts - Gitar/Llais
  • Cerys Matthews - Llais
  • Paul Jones - Bas
  • Owen Powell - Gitar
  • Aled Richards - Drymiau
  • Dafydd Ieuan - Drymiau
  • Clancy Pegg - Allweddellau

Nôl ym 1992, yn ôl Mark Roberts, prif ganwr y grwp roc Y Cyrff, "o'n i'n sick o glywed llais fi fy hyn ar jiwcbocsys ac isio gweithio efo rhywun a oedd yn medru canu".

Wrth ddewis dechrau ysgrifennu caneuon gyda chantores ifanc o'r Mymbls - Cerys Matthews - yn syth ar ôl i'r Cyrff chwalu, darganfyddodd Marc lais a fyddai ymhen llai na phum mlynedd yn un o leisiau mwya eiconig Cymru wrth i'r grwp a ffurfiwyd gan y ddau, Catatonia, gyrraedd enwogrwydd byd eang, profi llwyddiant masnachol ysgubol a gweld eu cynnyrch yn cyrraedd brig y siartiau yn Mhrydain.

Sicrhawyd cytundeb recordiau mawr gyda chwmni recordiau Warners yn dilyn EPs cynnar y grwp i recordiau Crai - For Tinkerbell (1993) a Hooked (1994), ond ni ddaeth llwyddiant ar unwaith. Roedd y pwysau o fod gyda chwmni mawr yn golygu gwaith diddiwedd i'r grŵp, yn recordio, teithio a hyrwyddo am dros ddwy flynedd.

Ond daeth llwyddiant gyda'u hail albym, International Velvet (1998) - a enillodd record y flwyddyn yn y Melody Maker - a'r senglau Mulder and Scully a Road Rage a gyrhaeddodd y deg uchaf.

Parhaodd llwyddiant y grŵp gyda'r albym Equally Cursed and Blessed (2000) yn dilyn International Velvet i frig y siartiau, a Cerys erbyn hyn yn un o brif bersonoliaethau pop y cyfnod: brenhines 'Cŵl Cymru', yr un mor enwog am ei hagwedd ffres, dim nonsens, ag am ei llais eiconig a'i gallu i gyfansoddi caneuon pop sy'n dal y zeitgeist.

Ond roedd y llwyddiant, enwogrwydd a'r straen o deithio a chwarae drwy'r amser, yn rhoi pwysau ar ddyfodol y grŵp, ac yn fuan ar ôl rhyddhau eu pumed albym Paper Scissor Stone yn 2001 penderfynodd y grwp i chwalu.

Ers ddyddiau Catatonia mae Cerys wedi sefydlu ei hunan fel artist unigol, tra fod Mark a Paul wedi recordio a pherfformio gyda'i gilydd yn y grwp Y Ffyrc.

Emyr Williams

Newyddion

Sesiynau Newydd!

Chwefror 22, 2006

Talu Teyrnged i Tich

Mehefin 21, 2005

Oes gen ti dalent?

Mawrth 30ain, 2005

Erthyglau

Cerys Matthews

Cerys Matthews

5 Hydref 2009

Rhan gyntaf sgwrs Hefin gyda Cerys Matthews.

Cerys Matthews

18 Hydref 2007

Gwranda ar sgwrs Lisa Gwilym efo Cerys Matthews

Cerys Matthews

18 Hydref 2007

Gwranda ar sgwrs Lisa Gwilym efo Cerys Matthews

Eraill

Jeni Lyn ar C2

Y newyddion cerddorol diweddaraf, gan gynnwys newyddion am raglen Ysgol Roc, albym a thaith Richard James, Gwyl Bae Cemaes a llawer mwy...


C2

C2 - gigs

Rhestr gigs

Pwy sydd yn chwarae lle a pryd? Rhestr gigs C2

BBC Wales Music

Sian Evans

More Music by Welsh artists

Take at look at our musical profiles of all kinds of artists from across the country.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.