Anweledig

Anweledig

Scancwyr soniarus o gysgodion llechi tywyll Blaenau, roedd Anweledig efo merched noeth ar y llwyfan yn eu gigs cyn bod Derwyddon Dr Gonzo allan o'u clytiau.

I weld y cynnwys hwn rhaid i chi alluogi Javascript a gosod Flash ar eich cyfrifiadur. Ewch i BBC Webwise (Saesneg) am gyfarwyddiadau.

Dyma gerddoriaeth pop Cymraeg sy'n nofio mewn môr o saws jerk, madarch gwyllt, a chwys poeth. Cydiodd Anweledig ym mantell reggae Geraint Jarman a Llwybr Llaethog a rhedeg efo hi'n wyllt trwy strydoedd Cymru gyda ieuenctid ifanc y wlad yn eu dilyn nhw'n ffyddlon mewn rhes conga crwydrol.

Cychwynnodd Anweledig ar eu taith gwyllt i brif lwyfannau Cymru pan enillon nhw gystadleuaeth band gorau yn Steddfodau'r Urdd a'r Genedlaethol yn 1994.

Aelodau

  • Ceri Cunnington
  • Gai Tomes
  • Iwan 'Oz' Jones
  • Rhys Roberts
  • Alwyn Evans
  • Joe Buckley
  • Edwin Humphries
  • Barri Gwilliam
  • Arwel Davies
  • Ac eraill...

Yn 1998 rhyddhaodd y band Sombreros yn y Glaw, gan ennill lle i'w hunain ar waliau brethyn coridor enwogion cerddoriaeth Cymru.

Nhw oedd y band i weld yn fyw, gyda gigiau yn aml yn gorffen efo stafell yn llawn o gyrff ifanc chwyslyd yn 'skankio' o amgylch y stafell fel petai pob aelod o Madness newydd danio roced fyny'u penolau nhw. Doedd dim ots os oeddech chi'n ffan o'r gerddoriaeth neu ddim.

Dwi di gweld hyd yn oed y bobl fwya negyddol yn rhestru rhesymau dros beidio hoffi'r grŵp ar ddechrau gig, ond yn rhedeg yn wyllt i mewn i wal mewn ffit o 'ecstasi' gwallgof erbyn diwedd y gân Eisteddfod.

Roedd 'na rhywbeth am y gerddoriaeth, ac yn fwy pwysig, y ffordd roedd y band yn chwarae pob gig fel eu gig ola, weithiau hyd yn oed gydag aelodau (fel arfer Gai) yn dyrnu aelodau arall (fel arfer Ceri).

Nhw oedd un o'r bandiau cyntaf yng Nghymru ers Edward H Dafis i fagu ddilyniant ffyddlon anferth o Gymry ifainc oedd yn mwynhau dim mwy na meddwi'n rhacs, mynd i gig, ac o bosib gadel yn hanner noeth, hanner call a gyda merch brydferth gigog o'r enw Hannah Cae Isaf.

Yn weddol fuan ar gychwyn eu gyrfa daeth Anweledig yn rhan annatod o gerddoriaeth fyw Cymraeg. Ddim ers Sulwyn Rees o'r Chwys ydyn ni wedi cael prif leisydd fel Ceri Cunnington, efo'i lygaid gwyllt a gwên gwallgof yn eich herio i drio beidio mwynhau'r synnau ffync reggae oedd yn bownsio allan o'i geg ac o'r system sain gwlyb mewn cae yn Nefyn.

Celwydd byddai ceisio gwadu bod fi heb wario noson feddwol yn Eisteddfod Tŷ Ddewi 2001 (ac ambell i 'Steddfod' arall) yn dawnsio'n wyllt gyda channoedd o bobol eraill tra bod cyrn Anweledig, llygaid Ceri, a chaneuon Gai yn ein hypnoteiddio ni a'n gorfodi i ddawnsio'r ddawns wirion 'na ry'n ni gyd yn gwneud wrth wylio Anweledig.

Huw Evans

Newyddion

Goreuon Mim Twm Llai

30 Rhagfyr 2008

Mae label Rasal wedi rhyddhau casgliad 'Goreuon Mim Twm Llai'

Erthyglau

Ceri Cunnington

Mai 13, 2004

Ceri Cunnington

Mai 13, 2004

Eraill

Jeni Lyn ar C2

Y newyddion cerddorol diweddaraf, gan gynnwys newyddion am raglen Ysgol Roc, albym a thaith Richard James, Gwyl Bae Cemaes a llawer mwy...


[an error occurred while processing this directive]

C2

C2 - gigs

Rhestr gigs

Pwy sydd yn chwarae lle a pryd? Rhestr gigs C2

BBC Wales Music

Sian Evans

More Music by Welsh artists

Take at look at our musical profiles of all kinds of artists from across the country.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.