Yr Anhrefn

Anhrefn

'Snad 'ych chi eisie codi ar eich traed a head-bango i 'Rhedeg i Baris' 'sdim gobaith i chi!'

Dyma un o'r bandiau mwya dylanwadol yn hanes Cerddoriaeth fodern Cymreig. Yn weithredol rhwng 1980-1994, roedd Yr Anrhefn yn fand pync gyda Rhys Mwyn, Hefin Huws a Dewi Gwyn yn aelodau gwreiddiol. Fe wnaeth Huws a Gwyn adael y band yn yr 1980gau diweddar gyda Dylan Hughes, ( Y Cyrff ) a Sion Jones, (Maffia Mr Huws) yn ymuno yn eu lle.

Yn 1983, lansiodd y band label recordio annibynnol, 'Recordiau Anrhefn' gan ryddhau nifer o recordiau cynnar gan Y Cyrff, Datblygu, Llwybr Llaethog, Fflaps a Tynal Tywyll. Diolch i'r label, enillodd fandiau Cymreig adnabyddiaeth a chlod tu hwnt i Glawdd Offa. Recordiodd y band dair sesiwn i'r gohebydd cerdd enwog, John Peel ac yn eu hanterth roeddent yn perfformio hyd at 300 o gigs y flwyddyn ledled Ewrop. Yr Anrhefn hefyd oedd un o'r bandiau cyntaf i berfformio yn Nwyrain Berlin. Ymddangosodd y band ar raglen gerdd Channel 4, 'The Tube' yn 1987, er i'r cylchgronau Cerddoriaeth Prydeinig anwybyddu llwyddiant Yr Anrhefn ar y cyfan.

Rhyddhaodd y band sawl albym yn cynnwys, 'Defaid, Skateboards a Wellies' (1987), Workers Playtime; 'Bwrw Cwrw' (1989), Workers Playtime ac yn 1995, Hen Wlad fy Mamau - Land of My Mothers (1995), Crai.

Ar ei orau roedd y band yn llawn asbri, ffyrnigedd ac egni -gyda chaneuon grymus a gafaelgar fel 'Rhedeg i Baris' yn gadael stamp ar genhedlaeth gyfan. Yn dwyn atgofion o'r 'Clash' a bandiau pync cyffelyb, gwnaeth Yr Anrhefn lawer i roi hygrededd i fandiau Cymraeg y cyfnod a thu hwnt.

Yn 2000 ffurfiodd Rhys Mwyn a Sebon fand newydd, 'Mangre'. Aeth Mwyn yn ei flaen i reoli label Crai a gweithio fel asiant gyda'r ddawn amlwg o ddarganfod talent newydd. Rheolodd Catatonia yn y Nawdegau cynnar ac yn 1998 ymunodd y bandiau 'Anweledig'a 'Topper' gyda label Crai ac yn fwy diweddar, yr artist Jeb Loy Nichols, wnaeth arwain at atgyfodiad Recordiau Anrhefn yn 2007.

Yn 2002 enillodd Rhys Mwyn Wobr RAP BBC Radio Cymru am gyfraniad arbennig i'r byd cerddoriaeth Gymreig. Yn 2007 atgyfodwyd Yr Anrhefn ond y tro hwn heb Rhys Mwyn, gyda Ryan Kift yn canu.

Newyddion

Teyrngedau i John Peel

Hydref 14, 2005

Sesiynau

Rhys Mwyn

Yr Anhrefn

Mehefin 19, 2007

Eraill

Jeni Lyn ar C2

Y newyddion cerddorol diweddaraf, gan gynnwys newyddion am raglen Ysgol Roc, albym a thaith Richard James, Gwyl Bae Cemaes a llawer mwy...


[an error occurred while processing this directive]

C2

C2 - gigs

Rhestr gigs

Pwy sydd yn chwarae lle a pryd? Rhestr gigs C2

BBC Wales Music

Sian Evans

More Music by Welsh artists

Take at look at our musical profiles of all kinds of artists from across the country.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.